التخطي إلى المحتوى

فابلت لينوفو فاب Lenovo PHAB

رباعي النواه بتردد 1.2 جيجا هرتز
رامات 1 جيجا بايت رام
شاشة بحجم 6.98 بوصه
امامية 5 ميجا بكسل
خلفية 13 ميجا بكسل
ذاكرة 16 جيجا بايت
بطارية 4250 مللي امبير
اندرويد لولي بوب 5.1

يتوفر فابلت لينوفو فاب الجديد بإمكانيات رائعة حيث يجمع الجهاز من حيث حجمه والشاشة الكبيرة الخاصة به بمواصفات التابلت ويدعم نظام تشغيل اندرويد 5.1 لولي بوب، مما يعطيه سهوله وسرعة في الأداء، كما يدعم ايضا شبكة الجيل الرابع ويعمل بمعالج رباعي النواه مما يجعله اسرع في استخدام الإنترنت والتطبيقات.

wadi-order-now

المواصفات الكاملة لفابلت لينوفو فاب Lenovo PHAB

  • الكاميرا الخلفية 13 ميجا بيكسل
  • الكاميرا الأمامية 5 ميجا بيكسل
  • الذاكرة العشوائية 1 جيجا بايت رام
  • الذاكرة الداخلية 16 جيجا بايت
  • معالج رباعي النواه بتردد 1.2 جيجا هرتز
  • بطارية بسعة 4250 مللي امبير
  • شاشة 6.98 بوصة تدعم LCD
  • نظام تشغيل فابلت Lenovo phab اندرويد 5.1 لولي بوب
  • يدعم فابلت لينوفو فاب الجيل الرابع LTE
  • الألوان المتاحة الابيض والأسود والسماوي والاحمر
  • وزن فابلت لينوفو فاب 250 جرام

 

مميزات فابلت لينوفو فاب Lenovo Phab

الميزة الأولي، يتميز فابلت لينوفو فاب بسعر الزهيد بالإضافة الي الخصم علي المنتج من قبل سوق دوت كوم.

الميزة الثانية، البطارية الخاصة بالجهاز والتي تتميز بالشحن السريع كما ان سعتها 4250 مللي امبير مما يعطي اطول فترة ممكنة من بقائها مشحونة.

الميزة الثالثة، الكاميرا الخلفية التي تمثل 13 ميجا بيكسل وتتميز بدقة اداء عالية الجودة مما يعطيك صور في غاية الصفاء والنقاء.

lenovo-smartphone-tablet-phab-back-camera-detail-14 feature-5-red

الميزة الرابعة، الشكل الإنسيابي والجذاب والأنيق لفابلت لينوفو فاب.

الميزة الخامسة، يتميز لينوفو فاب بنقاء الصوت حيث ان الصوت الخاص به أكثر من جيد.

lenovo-smartphone-tablet-phab-lifestyle-hands-free-calling-3

الميزة السادسة، الشاشة كبيرة ومتميزة وتأتي بألوان رائعة وتجمع بين حجم شاشة التابلت، ودقة وروعة الهواتف الذكية.

عيوب فابلت لينوفو فاب Lenovo Phab

  • عدم توافر الإكسسوارات الخاصة بلينوفو فاب.
  • الرامات الخاصة بالجهاز 1 جيجا بايت رام فقط.
  • عدم توفر اسكرينه خاصة بالجهاز لحماية الشاشة من الخدوش والكسور.
  • يوجد بالجهاز مكانين فقط لوضع شريحتين او شريحة واحدة وكارت ميموري.

مواصفات واسعار فابلت لينوفو فاب Lenovo Phab

صور فابلت لينوفو فاب Lenovo Phab

lenovo-smartphone-tablet-phab-family-colors-5 lenovo-smartphone-tablet-phab-speaker-detail-15 feature-1-red

ordernow8 lenovo-smartphone-tablet-phab-top-bottom-16

فيديو فابلت لينوفو فاب Lenovo Phab مراجعة شاملة

 

 

Save

عن الكاتب

التعليقات

  1. بصراحه .. احسن مراجعه شوفتها لحد دلوقتى .. كنت حتجنن من مكان الميمورى فين بالظبط بس كده تمام … تسلم

  2. من استخدامى ليه كاميرا وصوت وبطاريه ممتازين لكن فيه لاج كتير جدا وبيخرج من الابليكيشنز لوحده وصوته بيوطى لوحده ومشكلته الكبيره انه مش ليه اكسسوارات

    1. حاول تقولنا المشكلة تفصيليا يا استاذ سيد بالنسبة لجهاز لينوفو فاب .. هل الصوت بيقطع او مش بيتم تسجيلة ؟ ولا انت شايف جودة الصوت سيئة؟

  3. عندى نفس مشكلة ان صوت الرنين ينخفض لوحده يعنى اكون ضابط مستوى صوت الرنين على اعلى درجه وينخفض لوحده

    1. لو فيه كفر او جراب علي الجهاز يا مصطفي حاول تتأكد انه مش ضاغظ علي زر الصوت .. لو اتاكدت انه مش ضاغط يبقي حاول تشوف زر خفض الصوت وتحاول تضغط عليه .. لو لقيته خفيف جدا وبيشتغل معاك من لمسة بسيطة غير باقي الزراير يبقي فيه مشكلة ومحتاجة تودية الضمان

      1. انا عندى وش فى الميك اى حد اكلمه فى الفاب بقولى فى وش مع الصوت ومع تصوير الفيديو فى وش فى الصوت

          1. لو سمحتم بواجه بطء شديد جدا فى قاءمة الهاتف سواء استعراض الارقام او عند الاتصال وملاحظ ان التاتش بطىء شوية ومش راضى يعمل تحديث للنظام ياترى ليها حل

          2. حاول تقفل البرامج المفتوحة وتمسح الكاش او تعمل اعادة تشغيل للجهاز ولو استمرت المشاكل ممكن نودية للضمان

  4. جهاز فابلت لينوفو فاب Lenovo Phab اكثر من رائع ويوجد به العديد من المزايا الكاميرا اكثر من رائعة، والبطارية قوية، والبروسيسور سريع ورامات قوية جهاز فابلت لينوفو فاب Lenovo Phab يعمل دون تهنيج.

    1. اتأكد ان مفيش حاجة ضاغطة علي زر الصوت زي الجراب او كدا وكمان يفضل انك تعمل اعادة ضبط المصنع واذا ما اتحلتش المشكلة توجه للضمان فورا

  5. اواجة مشكلة في نسبة الشحن الوهمي فعند شحن الهاتف بالكامل تستمر النسبة ١٠٠٪ وعند قفل الجهاز واعادة التشغيل تظهر النسبة الحقيقية

  6. اشتريته من اربع شهور والصوت بقاله شهرين مش مظبوط وحاليا فصل خاااااالص تقريبا كده السماعه اتوفت ، الفوز عاجبنى مواصفات وسعر والاوبشن بتاعه جميل ، الاقى فين سماعه ؟

    1. لو تقصد الهاند فري فأنصحك تشتري هاند فري كويسة من شركة كويسة زي فيليبس وغيرها .. اما لو قصدك السماعه المكبرة في الجهاز نفسه فالافضل ليك تودية الضمان وتصلحة هناك مجانا

    1. ازيك يا سارة
      ايوة فيه جهازين بالظبط زي ما انتي كاتبه
      لينوفو فاب بلس يفرق عن لينوفو فاب في الاتي :
      شاشة اصغر قليلا
      بطارية اقل
      رام اعلي
      بروسيسور اعلي
      درجة وضوح الشاشة اعلي
      معالج رسومي اعلي
      ذاكرة داخلية اعلي
      مع اختلافات بسيطة في شكل الجهاز

      لو محتاجة تشتري لينوفو فاب او فاب بلس او اى جهاز تاني ممكن تعرفينا ايه احتياجاتك والميزانية وهنساعدك في اختيار افضل جهاز بإذن الله

  7. انا اشتريت لينوفو فاب بلس من 3 شهور تقريبا….بصراحة شديدة الجهاز سيئ جدا جدا….وافشل ماركة تليفونات هى لينوفو …والسبب الاتى: الصوت بتاعه زى الزفت-الهاند فرى زى الزفت برضه -الفلاش بتاعه معفن مش ليد زى ما مكتوب…انما لونه مصفر ومش فائق الاضاءة-الاكسسوارات بتاعته مش موجودة ..قطع غيار ما فيش-عشان تحفظ اسم جديد –الاسم الاول والثانى بالعافية…عدد الحروف محدود…الاله الحاسبة برضه لما تجمع مجموعة ارقام تيجى بعد كام عملية وتقف الارقام محدودة…بصراحة انا ندمان على شراء ماركة لينوفو

    1. استاذ جمال بأمانة كل اللي حضرتك قلته ما قابلناش في اجهزة لينوفو فاب بلس نهائيا .. انا طبعا مصدقك بس هي الفكرة ان الجهاز بيشتغل بنظام اندرويد وبالتالي مفيش امكانية ان حروف تسجيل الاسم تكون محدودة او الالة الحاسبة تعمل عمليات محدودة .. فالمشكلة في رأيي انها فردية مع حضرتك بس واتمني انك تتوجه للضمان وان شاء الله يصلحوا المشكلة مع حضرتك

  8. شكرا على الرد يا استاذ سامح …بس انا سألت محل موبايلات قال انه الفلاش بتاعه هو كده ..قاللى ما تحاولش

    1. هو فعلا الفلاش بتاع كل جهاز بيختلف عن التاني شوية بس الاهم المشاكل التانية اللي ذكرتها مش طبيعي خالص تكون موجودة فلو لسا موجودة ياريت تتوجه لمركز صيانة يفحص الجهاز بردو ولو فيه اي عيب توديةالضمان فورا .. تحت امرك

  9. علق معايا ورفض اى استجابة لا بالشحن ولا القفل ولا اى حاجة لحد تانى يوم لما البطارية فصلت وشحنته فاشتغل عادى

    1. مشكلة واردة بتحصل في اغلب الاجهزة وعلشان نراعي انها ما تحصلش تاني ياريت دايما تقفلي البرامج الغير مستخدمة

    1. للأسف مفيش تحسين للمسجل لكن ممكن تحاولي تنزلي برامج تسجيل مختلفة تقدر تعدل علي الصوت المسجل وتوصلك لافضل اداء ممكن

  10. استاذ سامح لو سمحت…انا جاتلى رسالة من اتصالات لتفعيل الجيل الرابع على الموبايل وازاى طريقة التحويل….بس ما نفعش على الفاب بلس…ازاى ؟؟؟ وعلى النت مكتوب بيدعم الجيل الرابع..برجاء الرد

  11. انا جبت التليفون حضر معايا شهر وجاب شاشه ممكن اعرف اصلح الشاشه فين غير التوكيل لان التوكيل سعره غالي جدا

    1. فيه مراكز كتير تقدر تصلح فيها موبايلك بس لو الشاشة باظت بدون كسر يبقي الافصل تصلحها في الضمان

  12. بقيت خاف من جهاز لينوفو قرائت كل التعليقان كانت كلها سلبية مافيش ولاتعليق أيجابي معقول لينوفو فاب سيئ له الدرجة سيد سامح محمد؟

    1. اهلا بيك يا خالد .. تجربتي مع لينوفو فاب ممتازة بصراحة وكان استيائي منه بس في حجم الشاشة لا اكثر لانه اقرب لتابلت من موبايل. لكن دا ما يمنعش ان فيه بعض الاجهزة بتنزل فيها مشاكل ودا وارد في كل الشركات طبعا ولذلك دايما بننصح انك تشتري الجهاز بفاتورة مختومة علشان يكون ليك الحق ان ترجع الجهاز في خلال 14 يوم من الشراء لو اتضح فيه اي مشكلة وكذلك الشراء من المتاجر الالكترونية بيوفرلك 14 يوم ترجع الجهاز لو ظهر فيه اي مشكلة

  13. اموووووووت واعرف فيييين مكااان الميموري في لينوفو فاب
    أنا عندي مكان شريحتين بس ولو هو مكان واحد في الشريحتين يبقي انهي واحد فيهم انهي sim مكانه الميموري حد يقوووووولي ونبي

  14. وفي حاجه كمان غريييبه حصلت معايا أنا كنت مصوره فيديو ومره واحده اختفي وجيت صورت تاني فيديو واتسجل علي جهاز يومين بس وجه تاني يوم لقيت الفيديو الاولاني اللي كان مختفي رجع لوحده علي الجهاز واشتغل عادي والفيديو التاني اللي كان موجود اختفي واحد دلوقت مش لقياه حد يقولي اييييييه ده عشان انا اول مره اشووف كده في تلفووون وربنا

    1. دا ممكن حضرتك بطأ في النظام انه يظهر ملفات الفيديو في الجاليري .. ممكن تطفي الجهاز وتشغلية تاني وان شاء الله المشكلة ما تتكررش معاكي تاني

  15. طب ازاي اخلي الخط 4G ولو خليته 4G ممكن لو شيلت الخط وحطيته في جهاز تاني 3Ĝ يشتغل نفس الشبكه القديمه كمان عادي ..
    وفي حاجه كمان الجهاز بيوطي لوحده من غير مااوطيه ومش عندي جراب يضغط علي الزراير وبيهنج جاااااامد مع العلم انه مكملش معايا شهر
    وحاجه اخيره الجهاز جايباه من غير كتالوج ولا اي ورق معاه ولا ضمان هي بس يادوب ورقه بيضه محطوطه خلف العلبه بتاعته من ورا ومفيش حاجه غير كده

  16. وعلي فكره انا طفيت الجهاز اكتر من مره وشغلته ومش لاقيه الفيديو اللي صورته حاجه غريبه اووي فيديوهات تتمسح وفيديوهات ترجع واللي يتمسح يجي تاني أنا والله ما عارفه اعمل ايه

  17. ياريت تدلنى لانى انا معايا لينوفو فاب ليه مفيش file manager
    وبرنامج لتشغيل الفيديو
    ولا نقل صور من ملف لأخر او حتى عمل ملفات خاصه
    يا ترى فى حل حاضرتك ؟؟؟؟

    1. ايوة طبعا تقدري تنزلي البرامج دي كلها من google play
      افضل برنامج لتشغيل الفيديو : MX Player
      وفيه مئات برامج من نوعية file manager تقدري تختاري اللي يعجبك
      لو محتاجة مساعدة اكتر نبعتلك روابط التحميل مباشرة من جوجل بلاي

      1. يارت الروابط للبرامج لانى نزلت كذا برنامج وكانوا كلهم اعلانات فبضطر احذفهم … وحزاكم الله خيرا على الأهتمام

    2. انا كان معايا لينوفو ايه7000 بعت عارض الملفات منه للفاب واستغل عليه والمشكله اتحلت وفيه نقل ونسخ كمان

  18. البطاريه بتاعته وحشه يبقي في الشاحن ١٠٠٪ واول ماشيل الشاحن منه الاقيه ٩٨٪ وخمس دقايق يبقي ٩٥٪ ده اييه حله بقي وهو اصلا مش بيتفتح انا لسه جايبه التلفون من شهر بالظبط .. ولا هو وقت تشغيله شهر ونص بس

  19. انا اشتريت جهاز لينوفو فاب 1 – 750 ام
    مكان الخط الاول لا يعمل – حد قابل المشكلة دي
    رجاء الافاده ضروري

    1. جرب اكتر من شريحة يا هاني واتاكد انها مقصوصة كويس وانت مركبها مظبوط .. ياريت تجرب قبل ما يفوت 14 يوم علشان لو فيه اي مشكلة تقدر ترجعة وتسترد فلوسك او تستبدلة بجهاز تاني

  20. إشتريت لينوفو فاب أبيض شهر ٩ من يوم ما أشتريته بيخرج من التطبيقات لوحده ومش واصلة لحل مع مركز الصيانة …هل العيب دة ممكن يأثر على فعالية وشغل الجهاز ع المدى البعيد لأنى فكرت أخرج من الموديل بس الاسعار عالية جدا ..رجاء الإفادة

    1. هي غالبا هتكون مشكلة سوفت وير يا سهيلة .. انصحك تنسخي كل ملفاتك وتجربي تعملي فورمات للجهاز او علي الاقل تمسحي كل التطبيقات الموجودة عليه وتشوفي هل المشكلة هتفضل موجودة ولا سببها احد البرامج علي الجهاز

      1. ا/ سامح هل يوجد للفاب تحديث مارشيملو .. وما رايك فالجهاز عامه .. شايف ناس كتير بتشتكي انه بطئ

        1. دي الأجهزة اللي ليها تحديث نظام اندرويد 6 مارشميلو لينوفو ايه 7000 ، لينوفو فايب p1 ، لينوفو فايب s1 ، لينوفو فايب x3

        2. الجهاز كويس لو قارنا السعر بالمواصفات بس فعلا الذاكرة العشوائية ليه 1 رام وده سبب بطيء الجهاز

  21. طيب معلش بعد إذنك ..فى الصيانة عملوا سوفت ولما إستمر عيب الجهاز إستبدلوه وإستمر نفس العيب غيروا المازر بورد …تنصحنى أخرج من الموديل ولا أخليه وأمرى لله

  22. يا جماعة الجهاز لينوفو فاب دة جيل رابع ولا لا ارجو الرد لان دى مش موجود في الاوبشن ولو حد عندة رد يقولي يبقي فور جي ازاي

  23. السلام عليكم ورحمة الله وبركاته
    عندي لينوفو فاب
    مكان فلاش الكاميرا بيسخن اوووووووووووووووووي
    ممكن توضيح لهذه المشكلة

  24. انا لسة شارية الجهاز من يومين خوفتوني منه من تعليقاتكم ربنا يستر بس انا شايفة كويس بصو نصيحة مني. اهم حاجه المحافظة ع الجهاز ولما تيجو تشحنوة اطفو الجهاز بعد ما البطارية تقل في الانخفاض خالص اهم حاجه المحافظة ممكن يكون معاكي تاب عامل 20000الف جنية وفية عيوب المهم استاذ سامح انا عندي صور كتير ع تاب في ذاكرة التاب ١٦ جيجا ازاي انقلهم ع الكمبيوتر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *